Toshkentdan Qozon va Omsk shaharlariga avtobus qatnovi yo‘lga qo‘yiladi

O‘zbekistonda Toshkent — Omsk va Toshkent — Ufa — Qozon yo‘nalishlari bo‘yicha muntazam avtobus qatnovlarini yo‘lga qo‘yish rejalashtirilmoqda. Bu haqda «Sinxua» agentligiga tayanib EADaily xabar berdi.

Nashrning xabar berishicha, 14 sentabrdan Toshkentdan Nijniy Novgorodga dastlabki davlatlararo avtobus qatnovi yo‘lga qo‘yildi. 

Reyslar bir haftada bir marta amalga oshiriladi, avtobus 3 ming kilometrlik masofani 61 soat ichida bosib o‘tadi.

Bir tomonga chipta narxi 60 dollardan ortiqroq (500 ming so‘m atrofida), Nijniy Novgoroddan Toshkentga esa 87 dollarga yaqin (700 ming so‘mga yaqin) bo‘ladi.

Toshkent va Omsk o‘rtasidagi masofa 2160 kilometr bo‘lib, bu masofani to‘xtovsiz yurilganda 29 soat ichida bosib o‘tish mumkin.