Qashqadaryoda kelin 83 yoshli qaynonasiga jarohat yetkazdi

Qashqadaryo viloyatining G‘uzor tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 2018 yil 7 oktabr kuni tuman IIBga tushgan hujjatlarga ko‘ra, shu yil 7 sentabr kuni Sovbog‘ qishlog‘ida yashovchi O.Sh. uyi oldida turmush o‘rtog‘i S.N. (ayol) bilan janjallashayotgan vaqtida S.N. ularni ajratmoqchi bo‘lgan qaynonasi 83 yoshli M.T.ning oyog‘iga tepib jarohat yetkazgan. 

Natijada M.T. kasalxonaga yotqizilgan. S.N. ushlangan. 

Holat yuzasidan jinoyat ishi qo‘zg‘atilib, tergov harakatlari olib borilmoqda.