Misrda favqulodda vaziyat tartibi yana uzaytirildi 

Misr parlamenti ko‘pchilik ovoz bilan mamlakatda 21 oydan beri amal qilayotgan favqulodda vaziyat tartibini yana 3 oyga uzaytirishga ovoz berdi. Bu haqda “Al-Ahrom” portali ma'lum qildi. Favqulodda vaziyat tartibi 15 yanvardan boshlab uzaytiriladi. 

Misrda favqulodda vaziyat tartibi 2017 yil aprelda Tanta va Iskandariyadagi ikkita teraktdan keyin prezident tomonidan kiritilgandi. O‘shandagi teraktlar oqibatida 50 dan ko‘proq odam halok bo‘lgan, 100 dan ko‘proq odam jabrlangan.