Braziliyada to‘g‘on o‘pirilishi oqibatida qurbon bo‘lganlar soni 121 kishiga yetdi

Braziliyaning Minas-Jyerays shtatida Vale kompaniyasining to‘g‘oni o‘pirilishi oqibatida qurbon bo‘lganlar soni 121 kishiga yetdi, 226 kishi bedarak yo‘qolgan deb hisoblanmoqda. Bu haqda mahalliy hukumatga tayanib Globo nashri xabar berdi.

Avvalroq 115 kishi halok bo‘lgani, 248 kishi bedarak yo‘qolgani xabar qilingandi.

Qayd etilishicha, ayni paytga qadar 94 nafar fojia qurbonlarining shaxsi aniqlangan.  

25 yanvar kuni Brumadinyu munitsipaliteti hududida to‘g‘on o‘pirilishi natijasida ma'muriy binolar va aholi uylari balchiq ostida qolgandi. Qutqaruv ishlari bir necha hafta davom etishi mumkinligi aytilmoqda.