To‘rt nafar bosqinchi qo‘lga olindi - IIV

2019 yil 26 fevral kuni Toshkent viloyatining Angren shahrida yashovchi to‘rt nafar shaxs yuzlarini to‘sgan holda, Markaz-1 ko‘chasida yashovchi D.M. ismli ayolning uyiga bostirib kirganlar.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, shu vaqtda uyning hovlisida bo‘lgan D.M.ning kelini ularni ko‘rib, shovqin ko‘tarishi natijasida jinoyatchilar voqea joyidan hech narsa ololmay, qochib ketganlar. 

Qayd etilishicha, ko‘rilgan choralar natijasida jinoyat sodir etgan shaxslarning barchasi qo‘lga olindi. 

Holat yuzasidan jinoyat ishi qo‘zg‘atilib, tergov harakatlari olib borilmoqda, deyiladi xabarda.