Indoneziyadagi Boeing 737 halokatining yangi tafsilotlari oshkor etildi

Indoneziyada halokatga uchragan, Lion Air aviakompaniyasining Boeing 737 MAX samolyoti hujum burchagi nosoz datchigi aviahalokatdan oldin AQShdagi samolyotlarga texnik xizmat ko‘rsatish markazida ta'mirlangan. Bu haqda Bloomberg xabar qilmoqda.

Qayd etilishicha, bundan tergov materiallari dalolat bermoqda. Ustaxona Florida shtatida joylashgan, deya aniqlik kiritiladi materialda.

Endi tergovchilar fojia tafsilotlarini aniqlash uchun texnik xizmat ko‘rsatish markazining ishini tekshirishlari kerak.

Dastlabki xulosalarga ko‘ra, parvoz vaqtida hujum burchagi datchigi noto‘g‘ri signallar bergan, bu esa 189 kishi qurbon bo‘lgan aviahalokatga olib kelgan.

Bundan oldin, Boeing milliardlab dollarlik shartnomadan mahrum bo‘lgani xabar qilingandi.