Qoʻshimcha funksionallar
-
Tungi ko‘rinish
Qozog‘iston prezidenti Toshkentga yetib keldi
Foto: Prezident matbuot xizmati
O‘zbekiston Respublikasi Prezidenti Shavkat Mirziyoyevning taklifiga binoan Qozog‘iston Respublikasi Prezidenti Qasim-Jomart Toqayev 14 aprel kuni davlat tashrifi bilan Toshkentga keldi. Bu haqda Prezident matbuot xizmati xabar bermoqda.
Toshkent xalqaro aeroportida oliy martabali mehmonni O‘zbekiston Bosh vaziri Abdulla Aripov kutib oldi.
Ma'lum qilinishicha, davlat tashrifining asosiy tadbirlari 15 aprel kuni Ko‘ksaroyda bo‘lib o‘tadi. Tor va kengaytirilgan tarkibdagi muzokaralarda ikki tomonlama va mintaqaviy hamkorlikni yanada rivojlantirish istiqbollari muhokama qilinishi, qator muhim ikki tomonlama hujjatlar imzolanishi rejalashtirilgan.
Prezidentlar O‘zbekistonda Qozog‘iston yilining rasmiy ochilish marosimida ham ishtirok etadi.
Mustaqil Qozog‘iston tarixida ilk marta prezident o‘zgarib, Nazarboyev iste'fosidan so‘ng, Toqayev mamlakat rahbari lavozimiga kirishgan. Faoliyatining ilk haftasidayoq Toqayev Qozog‘iston poytaxti nomini o‘zgartirishni taklif etdi va parlament buni tasdiqladi.
Uning ilk davlat tashrifi Rossiya Federatsiyasiga, shundan so‘ng O‘zbekistonga amalga oshirildi.
Mavzuga oid
23:22 / 14.10.2019
Qozog‘iston prezidentining o‘g‘li surati birinchi bor e'lon qilindi
08:42 / 16.04.2019
Shavkat Mirziyoyev va Qasim-Jomart Toqayevning qo‘shma bayonoti matni e'lon qilindi
08:21 / 16.04.2019
Qozog‘iston prezidenti O‘zbekistonga qanday taklif bilan chiqqani ma'lum bo‘ldi
00:09 / 16.04.2019