Bojxona instituti xodim va kursantlari «Kitob aksiyasi» xayriya tadbirini o‘tkazdi

Bugungi globallashuv davrida iqtisodiy jihatdan rivojlangan mamlakatlar rivojlanish omillariga e'tibor qaratadigan bo‘lsak taraqqiyot negizida avvalo  inson kapitali, inson intellekti, aqliy faoliyati yotganini anglaymiz. Shu bois, mamlakat taraqqiyotini ta'minlashda avvalo intellekti yuqori, innovatsion fikrlay oladigan, ma'rifatli yoshlarni tarbiyalash muhim omil sanaladi. 

Xususan, Bojxona institutining xodim va kursantlari tashabbusi bilan, O‘zbekiston Respublikasi Prezidenti Shavkat Mirziyoyevning yoshlar ta'lim-tarbiyasi uchun qo‘shimcha sharoitlar yaratish, xotin-qizlar bandligini oshirishga qaratilgan kompleks chora-tadbirlarni o‘z ichiga olgan beshta tashabbusning “Yoshlar ma'naviyatini yuksaltirish, ular o‘rtasida kitobxonlikni keng targ‘ib qilish” yo‘nalishi mazmun-mohiyatidan kelib chiqib, Toshkent shahar Chilonzor tumanida joylashgan 22-sonli mehribonlik uyi tarbiyalanuvchilari va Shayxontohur tumani “Yangiobod” mahallasida istiqomat qiluvchi ijtimoiy himoyaga muhtoj yoshlar o‘rtasida kitobxonlik madaniyatini yuksaltirishga qaratilgan “Kitob aksiyasi” xayriya tadbiri tashkil etildi. 

Ushbu tadbirda Institutning faol kursantlari o‘zlari bolalik vaqtlarida sevib mutolaa qilgan bolalar adabiyotining durdona asarlaridan sovg‘alar ulashdilar.