«Lasetti» yukxonasidan 48 000 000 so‘m pulni o‘g‘irlab ketishdi

2019 yil 26 aprel kuni 2 noma'lum shaxs Toshkent shahrining Mirzo Ulug‘bek tumani S.Azimov ko‘chasida eshiklari ochiq holda qarovsiz qoldirilgan, fuqaro F.F. boshqaruvidagi “Lasetti” rusumli avtomashina yukxonasidan 48 000 000 so‘m pulini o‘g‘irlab ketgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabarida aytilishicha, ko‘rilgan choralar natijasida ushbu jinoyatni Yunusobod tumani Niyozbek ko‘chasida yashovchi I.A. va O.Zokirov ko‘chasida yashovchi T.U. sodir etganliklari aniqlanib, ushlanganlar. 

Holat yuzasidan jinoyat ishi qo‘zg‘atilib, tergov harakatlari olib borilmoqda.