«Chelsi» yetakchi himoyachisi bilan yangi shartnoma imzoladi

«Chelsi» klubi himoyachi David Luiz bilan yangi shartnoma imzolaganini e'lon qildi.

32 yoshli futbolchi bilan 2021 yilgacha mo‘ljallangan mehnat bitimi rasmiylashtirildi.

«Bu yerda ekanimdan va faoliyatimni davom ettirish imkoniyati berilganidan xursandman. Bu klubni yaxshi ko‘raman va ishtiyoqim yoshlarga xos tarzda baland. Jamoamning yevrokubokda g‘alaba qozonishi va chempionatda kuchli uchlikka kirishi uchun bor kuchimni sarflayman» - deb izoh berdi braziliyalik futbolchi bu voqeaga.

David Luiz 2011 yilda «Benfika»dan «Chelsi»ga o‘tgan edi. 2014-2016 yillarda u «PSJ» sharafini himoya qildi. So‘ngra yana «Chelsi»ga qaytdi.

Londonliklar tarkibida u jami 246ta o‘yinda maydonga tushib, 18ta gol urgan.