AQSh Ukrainaning mudofaa sohasiga 250 mln dollar ajratadi

AQSh Ukrainaga mudofaa sohasida yordam berish uchun 250 mln dollar ajratadi. Bu haqda AQSh mudofaa vazirligi bayonotida aytilgan. 

Pentagonda pullar qo‘shimcha tayyorgarlik, Ukraina qurolli kuchlari salohiyatini oshirish uchun maslahat xizmatlariga sarflanishi ma'lum qilingan. Jumladan, amaldagi o‘quv dasturlari uchun qurilmalar sotib olinadi, shuningdek, snayper miltiqlari, granatomyotlar, radarlar, aloqa qurilmalari va tungi ko‘rish priborlari, harbiy tibbiy yordam taqdim qilinadi. 

Pentagon ma'lumotlariga ko‘ra, yangi moliyalashtirish bilan birga Kiyevga ajratilgan umumiy yordam qiymati 1,5 mlrd dollarga yetadi.

Pentagonning ta'kidlashicha, AQSh Ukrainaga “xavfsiz, farovon, demokratik va erkin Ukraina maqsadida hududiy yaxlitligini himoyalash uchun” yordam taqdim qilishni davom ettiradi.