AQShda millioner yollagan ishchisi halok bo‘lgani uchun to‘qqiz yilga qamaldi
AQSh sudi uyida ishlayotgan ishchining o‘limi uchun aybdor deb topilgan millionerni to‘qqiz yilga ozodlikdan mahrum qilish to‘g‘risida hukm chiqardi, deb xabar berdi CNN telekanali.
Yollanma ishchi 2017 yil sentyabrda Betesda aholi maskanida 28 yoshli birja makleri Deniel Bekvittning uyida yuz bergan yong‘inda halok bo‘lgandi.
Bekvitt uni uyi yerto‘lasida tunnel qazish uchun yollagan. Yong‘in sodir bo‘lgan vaqtda tunnelning uzunligi 60 metrga yetgan bo‘lgan. Sudlanuvchi KXDRning raketa hujumidan himoyalanish uchun yerosti majmuasini qurdirmoqchi bo‘lganini aytgan.
Okrug prokuraturasining fikricha, millionerning uyidagi sharoitlar ishchini qutqarishga to‘sqinlik qilgan.
"Butun uyni egallab olgan axlat uyumlari va ular orasidagi labirinsimon yo‘laklar uy ichida erkin harakatlanishga xalaqit bergan", - deyiladi ayblov hujjatida.
Mavzuga oid
19:55 / 19.09.2024
«Sudya mustaqilligini ta’minlash uchun o‘z ustida ishlashi kerak» - Sudyalar oliy kengashi
16:25 / 19.09.2024
«Sudga ijtimoiy bosimning oldini olish uchun jarayon yopiq o‘tkazilyapti» – Sudyalar oliy kengashi Aziz Voitov ishi haqida
19:51 / 12.09.2024
Merey Omonboyevaning ishi sudga chiqdi
15:31 / 12.09.2024