Messi Braziliyaga qarshi o‘yindan keyin hakamni aybladi

Argentina terma jamoasi hujumchisi Lionel Messi Amerika kubogi yarimfinalida Braziliyaga qarshi kechgan va 0:2 hisobidagi mag‘lubiyat bilan yakunlangan o‘yindan keyin hakamlarga e'tiroz bildirdi. Uning fikricha, hakamlar o‘yin davomida ikki marta braziliyaliklar darvozasi tomon penalti belgilashi mumkin edi.

«Biz o‘yinni yaxshi o‘tkazdik. Ular bizdan yaxshiroq emasdi. 

Bu turnirdagi hakamlarning qarorlaridan charchadim. Braziliyaliklar qo‘l bilan o‘ynashdi, qo‘polliklar qilishdi, ammo penalti berilmadi. Bu oqshomda hakam biror vaziyatda VAR xizmatidan foydalanmadi. Bunga aql bovar qilmaydi.

Biz qattiq harakat qildik. Ammo hakam brazillarga birorta kartochka bermadi, kartochkalarini faqat bizga tarqatdi. Hakam o‘z qarorlarida nohaq edi», deya Messining so‘zlarini keltirmoqda Ole manbasi.