O‘zbekiston va Germaniya yadroviy tibbiyot sohasida qo‘shma korxona tashkil etadi

O‘zbekiston Respublikasi Fanlar akademiyasi Yadro fizikasi instituti va INTEGRA GmbH (Germaniya) yadroviy tibbiyot va radiatsion texnologiyalar sohasida qo‘shma korxona tashkil etish to‘g‘risidagi bitimni imzoladi. 

Shartnomaning maqsadi respublika va xorijda siklotronli radioizotop mahsulotlarini ishlab chiqarish va sotish maqsadida O‘zbekiston Respublikasi Fanlar akademiyasi Yadro fizikasi instituti hududida siklotronli radioizotoplarni ishlab chiqarishni tashkil etish, shuningdek, tibbiyot va sanoat mahsulotlari, oziq-ovqat va qishloq xo‘jaligi mahsulotlarini ishlab chiqaruvchilar uchun radiatsiyaviy ishlov berish xizmatlarini ko‘rsatish uchun radiatsiya ta'sir qilish markazini yaratishdan iborat.

Shartnoma doirasida O‘zbekiston Respublikasi Fanlar akademiyasi Yadro fizikasi instituti INTEGRA GmbH bilan birgalikda yetkazib beriladigan uskunalar, jumladan, 30 MeV siklotron, elektron tezlatuvchi, transport tizimi, issiq kameralar va boshqalarni aniqlaydi.