Germaniyadagi portlashda 14 kishi jabrlandi

Germaniyaning Froydenberg shahridagi Backesfest xalq saylida yuz bergan portlash oqibatida 14 kishi jarohat oldi. Ulardan 6 nafarining ahvoli o‘ta og‘ir deya baholanmoqda, deb xabar berdi Focus-online nashri.

Voqe vaqtida yomg‘ir yog‘ayotgan bo‘lgan. Dastlabki ma'lumotlarga ko‘ra, portlash qizigan yog‘ solingan tovaga suv tushishi sabab yuz bergan bo‘lishi mumkin. Politsiya gaz portlashi ehtimolini istisno qilmoqda.   

Voqea tergov qilinmoqda. Jarohatlanganlar vertolyotlarda Rur viloyati va Kyolndagi shifoxonalarga yetkazilganlar.

Backesfest pishiriqlar festivali bo‘lib, unda mahalliy novvoylar mehmonlarni turli non mahsulotlari bilan mehmon qilishadi.