Lukashenko YeOIIda SSSR tajribasidan foydalanishni taklif qildi
Belarus prezidenti Aleksandr Lukashenkoning fikricha, Yevrosiyo iqtisodiy ittifoqiga (YeOII) a'zo davlatlar integratsiyalashuv doirasida o‘zlari qachonlardir bir qismi bo‘lgan SSSR tajribasidan foydalanishi kerak.
U bu haqda 24-25 oktabr kunlari Nur-Sultonga amalga oshiriladigan rasmiy tashrifi arafasida Qozog‘istonning «Xabar» davlat telekanaliga bergan intervyusida aytib o‘tdi.
«Bir mamlakatda yashadik. Bizda katta tajriba bor, aynan shu poydevordir. Bizda yagona til bor, umumiy narsalar ko‘p. Bu yo‘lni Yevropa ittifoqiga qaraganda tezroq bosib o‘ta olamiz», - dedi Belarus rahbari.
Uning ta'kidlashicha, YeOII mamlakatlari Yevroittifoqning xatolarini o‘rganishi va ularni takrorlamaslikka harakat qilishi kerak.
«Boshqalarning xatolaridan saboq olishimiz kerak. Tezroq harakatlana olamiz, sababi ko‘proq tajribaga egamiz, biz sovet ittifoqida yashaganmiz. Unda esa juda yaqin integratsiyalashuv mavjud edi. Uni yo‘q qilishning keragi yo‘q. Vayron bo‘lgan narsalarni qayta tiklashimiz kerak. Buning ustida ishlashimiz lozim», - deya xulosa qildi Lukashenko.
Mavzuga oid
18:47
AQShdan o‘g‘irlangan va hanuz ishlab chiqarilayotgan «Buxanka»
12:10 / 21.09.2024
G‘arb va SSSR o‘rtasidagi josuslik o‘yinlari: AQShga qochib ketgan KGB mayori
22:33 / 16.09.2024
Lukashenko yana 37 nafar siyosiy mahbusni afv etdi
00:12 / 13.09.2024