O‘zbekistonlik Turkiyada bankni talamoqchi bo‘ldi 

17 dekabr soat 9:30larda Turkiyaning Antalya shahridagi xususiy banklardan biriga yonida to‘pponcha bo‘lgan erkak bostirib kirib, u yerdagi odamlarni garovga oldi. Bu haqda Haberler turk nashri xabar berdi. 

Ma'lum qilinishicha, erkak pul talab qilgan. Shundan keyin bankga maxsus xizmatlar va politsiya xodimlari jo‘natilgan. Ular olib borgan muzokaralardan keyin bosqinchi taslim bo‘lishga qaror qilgan. Aniqlanishicha, u 1979 yilda tug‘ilgan O‘zbekiston fuqarosi bo‘lgan. Undagi to‘pponcha mulyaj bo‘lib chiqqan.

Ta'kidlanishicha, o‘zbekistonlik bankni uni aldagani uchun talamoqchi bo‘lgan. 

Politsiya ushbu hodisa yuzasidan tergov olib bormoqda.