Jahon | 22:38 / 19.12.2019
20152
1 daqiqa o‘qiladi

YUNISEF yil fotosuratini e'lon qildi 

BMTning Bolalar jamg‘armasi – YUNISEF 2019 yil fotosurati tanlovi g‘olibini e'lon qildi. Tanlovda ishtirok etgan suratlar xalqaro tashkilot saytida joylashtirilgan. 

1-o‘rinni nemis fotosuratchisi Xartmut Shvarsbaxning surati egallagan. Unda Manila ko‘rfazida plastik chiqindilarni yig‘ayotgan 13 yoshli filippinlik bola tasvirlangan.

Ta'kidlanishicha, ushbu surat davrimizning uch fojiasini o‘zida aks ettirgan: nochorlik, atrof-muhitning ifloslanishi va bolalar mehnati.

2-o‘rinni avstraliyalik Endryu Kuilti afg‘onistonlik bolalar surati bilan egallagan. Surat Afg‘onistondagi urushning ayanchli oqibatlarini ko‘rsatib, unda bomba portlashi oqibatida yaralangan 7 bola tasvirlangan.  

3-o‘rinni ispan fotosuratchisi Antonio Aragon Renunsioning Burkina-Fasoda oltin izlovchi bolalarning azob-uqubatlari aks etgan surati egallagan.

Mavzuga oid