Qoʻshimcha funksionallar
-
Tungi ko‘rinish
Istanbul aeroportida samolyot qo‘nish vaqtida uchga bo‘laklanib ketdi
Istanbuldagi Sabiha Go‘kchan aeroportiga qo‘nish vaqtida bortida 177 kishi bo‘lgan yo‘lovchi samolyoti falokatga uchradi.
Bu haqda CNN Turk nashri xabar berdi. Pegasus Airlines aviakompaniyasining Izmirdan Istanbulga reys bajargan Boeing 738 samolyoti qo‘nish vaqtida aeroportning uchish-qo‘nish yo‘lakchasida to‘xtay olmay, undan 60-70 metrga chiqib ketgan va 40 metrlik jarlikdan pastga qulab, uchga bo‘laklanib, yonib ketgan.
Samolyot bortida 171 yo‘lovchi va ekipajning 6 a'zosi bo‘lgan. Hech kim halok bo‘lmagan, biroq 52 kishini shifoxonaga jo‘natishga to‘g‘ri kelgan. Barcha yo‘lovchilar evakuatsiya qilingan.
Dastlabki taxminga ko‘ra, falokatga samolyotning qo‘nishi vaqtidagi kuchli shamol sabab bo‘lgan.
Mahalliy vaqt bilan soat 18 atrofida yuz bergan voqeadan keyin aeroportda parvozlar vaqtinchalik to‘xtatilgan.
Mavzuga oid
13:26 / 18.04.2025
Urganch aeroportini modernizatsiya qilish va boshqarish bo‘yicha o‘tkazilgan tender g‘olibi aniqlandi
16:20 / 17.04.2025
Istanbulda Turkiya fuqarosini ruxsatsiz rasmga olgan o‘zbekistonlik deport qilinadi
18:12 / 12.04.2025
Istanbulning sobiq meri ustidan sud jarayoni yozga qoldirildi
13:32 / 12.04.2025