O‘qishni ko‘chirish bo‘yicha o‘tkaziladigan onlayn testlar grafigi e'lon qilindi

Fuqarolar ro‘yxatdan o‘tishda belgilagan o‘zlarining doimiy yashash manzili bo‘yicha onlayn test sinovlarida ishtirok etadi. Bu haqda Oliy va o‘rta maxsus ta'lim vazirligi ma'lum qildi.

Ta'kidlanishicha, test sinovlarida fuqarolar faqat belgilangan joyda ishtirok etishlari mumkin.

Imtihon topshiruvchilardan onlayn testlarda qatnashish uchun belgilangan joylarga o‘z vaqtida kelish talab etiladi.

Ta'lim yo‘nalishlariga mos fanlardan to‘g‘ri javoblarga beriladigan ballar quyidagicha taqsimlanadi:

• 1-blok fanlariga – har bir to‘g‘ri javobga – 3,2 ball;
• 2-blok fanlariga – har bir to‘g‘ri javobga – 3,1 ball.

Test topshirish uchun 3 soat vaqt beriladi. Talabgorlarga tegishli ta'lim yo‘nalishlariga mos 2ta fandan 30tadan, jami 60ta savol beriladi.

Imtihon natijalariga ko‘ra, fuqarolarning xorijiy va nodavlat OTMlardan respublika OTMlariga o‘qishini ko‘chirish bo‘yicha qarorni davlat komissiyasi qabul qiladi.