Japarov Qirg‘iziston prezidenti saylovida ishtirok etish uchun shartini aytdi
Hozirda qonunga ko‘ra prezident vazifasini bajaruvchi shaxs prezidentlikka nomzodini qo‘ya olmaydi.
Qirg‘iziston prezidenti vazifasini bajaruvchi Sadir Japarov agarda qonunchilikka o‘zgartirish kiritiladigan bo‘lsa, prezident saylovida ishtirok etishga tayyorligini aytdi.
Hozirda qonunga ko‘ra prezident vazifasini bajaruvchi shaxs prezidentlikka nomzodini qo‘ya olmaydi.
«Hozirda parlamentda parlament va prezident saylovlari to‘g‘risidagi qonunchilikka o‘zgartirishlar tayyorlanmoqda. Agarda qonunchilikdagi o‘zgarishlar natijasida saylovda ishtirok etishimga ruxsat berilsa, qatnashaman», - dedi u «Rossiya 24» telekanaliga bergan intervyusida.
Japarovning so‘zlariga ko‘ra, «bu haqda gapirishga hali erta, hozircha bu borada qaror qabul qilinmadi».
14 oktabr kuni Qirg‘iziston parlamenti Sadir Japarovni bosh vazirlikka tayinladi.
Sooronbay Jeenbekov 15 oktabr kuni Qirg‘iziston prezidentligidan iste'foga chiqdi.
Prezidentning iste'fosidan keyin, Konstitutsiyaga ko‘ra, davlat rahbarining barcha majburiyatlari parlament spikeri Kanat Isayevga o‘tishi kerak edi. U bu vakolatdan voz kechgach, prezidentlik vakolatlari Sadir Japarovga o‘tdi.
Mavzuga oid
18:49 / 20.09.2024
Qirg‘izistonda korrupsionerlar va ularning qarindoshlariga davlat lavozimida ishlash taqiqlanadi
22:04 / 16.09.2024
Qirg‘izistondan O‘zbekistonga ot uyurini noqonuniy haydab o‘tmoqchi bo‘lganlar ushlandi
20:33 / 14.09.2024
Vodiydagi tantana, Boysundagi mavhumlik va AES bo‘yicha yakuniy bitim - hafta dayjesti
19:03 / 14.09.2024