Qirg‘iziston tashqi ishlar vaziri O‘zbekistonga keladi

2020 yilning 5-6 noyabr kunlari kunlari Qirg‘iziston tashqi ishlar vaziri Ruslan Kazakbayev boshchiligidagi delegatsiya amaliy tashrif bilan O‘zbekistonda bo‘ladi.

Foto: Rossiya tashqi ishlar vazirligi

O‘zbekiston Tashqi ishlar vazirligi xabariga ko‘ra, tashrif dasturida hukumat, Tashqi ishlar vazirligi, Investitsiyalar va tashqi savdo vazirligi hamda boshqa idoralarda uchrashuvlar o‘tkazilishi ko‘zda tutilgan.

Bo‘lajak muzokaralar chog‘ida siyosiy, savdo-iqtisodiy, transport-kommunikatsiya, madaniy-gumanitar va boshqa sohalarda ikki tomonlama hamkorlikning hozirgi holati hamda rivojlanish istiqbollarini muhokama qilish rejalashtirilgan.