Qashqadaryo viloyati sog‘liqni saqlash boshqarmasi boshlig‘i o‘zgardi

Sog‘liqni saqlash vazirligi Jamoatchilik bilan aloqalar bo‘limi xabariga ko‘ra, tibbiyot fanlari nomzodi, 48 yoshli Ravshan To‘lakov Respublika shoshilinch tibbiy yordam ilmiy markazi Qashqadaryo filiali xirurgiya bo‘limi vrachi, filialning umumiy masalalar bo‘yicha direktor o‘rinbosari lavozimlarida ishlagan.

Ma'lumot uchun, prezidentning joriy yil 12-13 noyabrdagi Qashqadaryo viloyatiga tashrifi davomida tizimdagi qator muammolar tanqidiy ko‘rib chiqilgan edi. 

Yangi rahbarga hududning tibbiy salohiyatini yuksaltirish, chekka qishloq joylariga malakali tibbiyot xodimlarini jalb qilish, aholi orasida sog‘lom turmush tarzi va to‘g‘ri ovqatlanish madaniyatini oshirish kabi qator muhim vazifalar yuklatildi, deyiladi xabarda.