Indoneziyada maktab avtobusining jarlikka qulashi oqibatida 26 kishi halok bo‘ldi

10 mart kechki payt Indoneziyaning G‘arbiy Yava provinsiyasida maktab avtobusining jarlikka qulashi oqibatida 26 kishi halok bo‘ldi. Yana o‘nlab odamlar jarohat olgan.

Jakarta Globe nashri ma'lumotlariga ko‘ra, avtobus o‘quvchilar va ularning ota-onalarini hamda o‘qituvchilarni olib ketayotgan bo‘lgan. Ular ziyoratdan qaytayotgan bo‘lishgan.

Haydovchi boshqaruvni eplay olmaganidan keyin avtobus jarlikka qulagan.

Avtobusda hammasi bo‘lib 62 kishi bo‘lgan. Politsiyada ma'lum qilinishicha, qutqaruvchilar avtobus ichidan 30dan ko‘proq kishini chiqarib olishgan, biroq ularning barchasi jarohat olgan.