Surxondaryoda YHXB xodimi maxsus xizmat avtomobilida YTHga uchradi

Joriy yilning 19 mart kuni soat 16:00larda, Surxondaryo viloyati, Bandixon tumani hududidan o‘tgan 4R-100 avtomobil yo‘lining 97-kilometrida yo‘l-transport hodisasi sodir bo‘ldi.

IIV YHXBB axborot xizmati xabariga ko‘ra, Qiziriq tumani IIB YHXB xodimi U.Kenjayev "Lasetti" rusumli maxsus xizmat avtomobilida boshqaruvni yo‘qotgan hamda yo‘ldan chiqib ketib, pastlikka tushib ketgan.

Qayd etilishicha, hodisa natijasida tan jarohati olgan fuqarolar yo‘q.

Mazkur YTH yuzasidan Bandixon tumani prokuraturasi tomonidan surishtiruv harakatlari olib borilib, hodisa sabablariga aniqlik kiritilmoqda.