Olmazor tumanining ayrim hududlarida elektr energiyasi ta'minoti vaqtincha uziladi

«Toshkent shahar ETK» AJ matbuot xizmati xabar qilishicha, bugun, 9 aprel kuni Toshkent shahrining Olmazor tumanidagi «Eski shahar» MFY, «Qo‘shtut» MFY hamda «Chig‘atoy» MFYlarida joylashgan  aholi xonadonlari hamda tadbirkorlik sub'yektlarida elektr energiyasi ta'minotida soat 10:00dan 18:00ga qadar vaqtinchalik o‘chishlar kuzatiladi.

«Bunday choralar tumanning fider «Binafsha 1,2» uzatmasidan chiquvchi 12-sonli transformator podstansiyasida mukammal ta'mirlash ishlari amalga oshirilishi bilan bog‘liq. Ayni vaqtda, Olmazor tuman elektr ta'minoti korxonasi ishchi-xodimlari tomonidan ta'mirlash ishlari olib borilmoqda. 

«Toshkent shahar YeTK» AJ mazkur ta'mirlash ishlari tufayli elektr energiyasi ta'minotidagi vaqtincha uzilishlar sababli yetkazilayotgan noqulayliklar uchun tumandagi ushbu hududlarda yashovchi iste'molchilardan uzr so‘raydi», – deya xabar beradi «Hududiy elektr tarmoqlari» AJ matbuot xizmati.