FVV chigirtkalar xavfidan ogohlantirdi, 600 ming gektar maydonga ishlov berilmoqda
Respublika bo‘ylab zararli chigirtka bilan kurashish mavsumi boshlandi. Favqulodda vaziyatlar vazirligi matbuot xizmati rahbari Murod Sodiqov olib borilayotgan tadbirlar bo‘yicha so‘zlab berdi.
“Respublikamizning barcha hududlarida zararli chigirtkalarning tarqalishiga qarshi choralarni ko‘rish tadbirlari boshlandi. Favqulodda vaziyatlar hamda Qishloq xo‘jaligi vazirliklari mutaxassislari bilan o‘zaro hamkorlikda joriy yilda hasharotlar tahdid qilishi mumkin bo‘lgan taxminiy ekin maydonlari hisoblab chiqildi. Bu deyarli 600 ming gektar qir-adir yerlaridir. Ayni kunlarda chigirtka tarqalishi mumkin bo‘lgan hududlarda kimyoviy ishlov berish tadbirlari olib borilmoqda.
Bularga, Xorazm, Qashqadaryo va Surxondaryo viloyatlarini misol tariqasida keltirish mumkin. Bu kabi tadbirlar tez kunlarda Buxoro, Samarqand va Sirdaryo viloyatlarida ham boshlanadi. Farg‘ona vodiysi hududlarida esa profilaktik tadbirlar may oyining boshida o‘tkazilishi rejalashtirilgan.
Shuni ta'kidlash kerakki, jarayonlarga o‘nlab deltaplanlar va yuzlab qishloq xo‘jaligi texnikalari jalb etilmoqda. Bu kabi choralarning o‘z vaqtida amalga oshirilishi qishloq xo‘jaligi yerlariga zararli chigirtkalar ta'siri oldini olishiga xizmat qiladi”, dedi Murod Sodiqov o‘z chiqishida.
Mavzuga oid
17:03 / 11.09.2024
Boysundagi kondan chiqayotgan gaz yaqin kunlarda jilovlanadi - FVV
13:40 / 06.09.2024
Rossiya FVV rahbarining sobiq o‘rinbosariga nisbatan jinoyat ishi qo‘zg‘atildi
18:11 / 05.09.2024
Boysun sinovi: O‘zbekiston yirik texnogen ofatlarga qanchalik tayyor?
08:56 / 25.07.2024