Samarqanddagi AYoQShda sodir bo‘lgan portlash oqibatida bir kishi vafot etdi

Samarqand tumanida joylashgan avtomobillarga yonilg‘i quyish shoxobchasida portlash sodir bo‘lgan. Bu haqda Samarqand viloyati Favqulodda vaziyatlar boshqarmasi xabar bermoqda.

Ma'lum qilinishicha, bugun, 8 iyul kuni soat 14:36larda Samarqand tumani «Qunduzsufiy» MFYda joylashgan AYoQSh hududida yer ostida joylashgan 25 tonnali sig‘imda portlash sodir bo‘lgan. Bu haqda xabar olingandan voqea joyiga zudlik bilan 5ta yong‘in-qutqaruv bo‘linmalari jalb etilgan.

Dastlabki surishtiruvda aniqlanishicha, portlashga AYoQShdagi 25 tonnali sig‘imda payvandlash ishlari olib borilayotganda ehtiyotsizlikka yo‘l qo‘yilgani sabab bo‘lgan.

Qayd etilishicha, hodisa oqibatida bir nafar fuqaro halok bo‘lgan, yana bir fuqaro esa termik kuyish tan jarohatini olgan.

Hozirda hodisa yuzasidan tergovga qadar tekshiruv ishlari olib borilmoqda.

Urgutdagi gaz quyish shoxobchasida gaz tashuvchi mashina portlab ketdi. Ikki kishi vafot etdi

Samarqanddagi «metan zapravka»da mashina gaz balloni portlab ketdi