Nukus - Oqto‘be - Nukus yo‘nalishida muntazam aviaqatnovlar yo‘lga qo‘yiladi

Uzbekistan Airways 21 iyundan boshlab Nukus — Oqto‘be — Nukus yo‘nalishida haftasiga bir marta, payshanba kunlari muntazam qatnovni amalga oshiradi. Bu haqda kompaniya matbuot xizmati xabar bermoqda.

Ma'lum qilinishicha, Nukus – Oqto‘be yo‘nalishidagi aviachipta narxi 1 071 693 so‘mdan, Nukus—Oqto‘be — Nukus yo‘nalishi bo‘yicha aviachipta narxi esa 1 853 472 so‘mdan boshlanadi.  

Aviachiptalarni aviakompaniyaning rasmiy saytidan, Uzbekistan Airways Sales filialidan yoki aviakompaniya agentlaridan xarid qilib olish mumkin.

Eslatib o‘tamiz, avvalroq Nukus—Aqtau — Nukus yo‘nalishida muntazam qatnov yo‘lga qo‘yilgandi.