Turkiyada barcha o‘rmon yong‘inlari o‘chirildi

Turkiyada ayni vaqtda barcha o‘rmon yong‘inlari o‘chirildi. Bu haqda mamlakatning qishloq va o‘rmon xo‘jaligi vaziri Bakir Pakdemirli ma'lum qildi.

Foto: RIA Novosti / Press-slujba Goskorporatsii Rostex

“Mamlakatdagi barcha yong‘inlar o‘chirildi”, deb yozgan Pakdemirli Twitter’da.

Uning ta'kidlashicha, yong‘inlar boshlanganidan beri mamlakatning 54ta viloyatida 299ta yong‘in o‘chog‘i bartaraf etilgan.

Turkiya sog‘liqni saqlash vaziri Faxritdin Xo‘janing ma'lum qilishicha, Turkiyadagi yong‘inlar vaqtida 8 kishi halok bo‘lgan, jabrlanganlar soni 860 nafardan oshgan.

Turkiyada o‘rmon yong‘inlari 29 iyulda boshlangan. Ular kurortlar joylashgan sohilbo‘yi hududlarini qamrab olgan. Yong‘inlar tufayli bir nechta mehmonxonadan odamlarni evakuatsiya qilishga to‘g‘ri kelgan.