Toshkent metrosida yangi poyezdlar harakatlana boshladi

Toshkent metrosida yangi poyezdlar ishga tushirildi. Bu haqda «O‘zbekiston temir yo‘llari» xabar berdi.

Qayd etilishicha, 6 sentyabr kuni Toshkent metropolitenida o‘tgan haftada keltirilgan va taqdim etilgan yangi metro poyezdlari poytaxt ahli va mehmonlariga xizmat qilishni boshladi.

Yangi poyezdlarining sozlash ishlari yakunlangach, eng ko‘p yo‘lovchilar oqimiga ega bo‘lgan “Chilonzor” yo‘nalishida uchta harakat tarkibi o‘z ishini boshladi. Qolgan yana ikkita metro poyezdi yaqin orada ushbu yo‘nalishda aholi xizmatida harakatlanadi.

“Endi “Chilonzor” yo‘nalishida ertalabki tig‘iz vaqtda, soat 07:30 dan 9:00 gacha poyezdlar orasidagi interval 3 daqiqani va kechqurungi tig‘iz vaqtda, soat 16:30 dan 19:30 gacha 4 daqiqani tashkil etmoqda”, deyiladi ma'lumotda.