Toshkent metrosida poyezd to‘xtab qoldi

Toshkent metropolitenida poyezd to‘xtab qoldi. Ijtimoiy tarmoqlarda ushbu holat tasvirlangan video tarqaldi. “Toshkent metropoliteni” UK hodisa bo‘yicha izoh berdi.

Qayd etilishicha, joriy yil 20 sentabr soat 09:10da “G‘afur G‘ulom” bekatidan “Chorsu” bekatiga harakatlanishi lozim bo‘lgan 41-yo‘nalishdagi harakat tarkibi havo taqsimlash tizimida texnik nosozlik yuzaga kelgan.

Harakat xavfsizligini ta'minlash maqsadida yo‘lovchilar bekatda tushirilgan va ortda harakatlangan 43-yo‘nalishdagi harakat tarkibi yordam sifatida kelib, nosoz harakat tarkibini texnik ko‘rik punktiga olib ketgan.

Metro endi xavfsiz transport emasmi? Ko‘ngilsizliklar qachongacha davom etadi?

Ma'lum qilinishicha, texnik nosozlik soat 09:25da bartaraf etilgan.

“Toshkent metropoliteni” keltirilgan noqulayliklar uchun yo‘lovchilardan uzr so‘ragan.

Tayyorlagan: Отабек Матназаров

#poyezd #metro