Toshkentda Buxoro ko‘chasining bir qismi yopiladi

Toshkent shahrida Buxoro ko‘chasining Buxoro-Buyuk Turon chorrahasidan Buxoro-Zarafshon chorrahasigacha bo‘lgan qismi yopiladi. Bu haqda poytaxt IIBB xabar bermoqda.

Foto: Kun.uz

Qayd etilishicha, bu kasaba uyushmalari federatsiyasi tomonidan uyushtiriladigan «Yangi O‘zbekiston - Yangi kasaba uyushmalari» bayrami hamda kasaba uyushmalari kuni tufayli amalga oshiriladi.

“11 noyabr kuni soat 08:00 dan soat 18:00 gacha Buxoro ko‘chasining Buxoro-Buyuk Turon chorrahasidan Buxoro-Zarafshon chorrahasigacha bo‘lgan hududi transport harakati uchun yopiladi”, deyiladi ma'lumotda.

Tirbandliklarning oldini olish uchun haydovchilarga aylanma yo‘llardan foydalanish tavsiya etilgan.