Shols Yevropa Rossiya bilan jiddiy muloqotga tayyorligini bildirdi

Olaf Sholsning so‘zlariga ko‘ra, NATO Rossiyaga xavfsizlik masalalari bo‘yicha aniq takliflarni bergan.

Foto: DPA

Yevropa Rossiya bilan xavfsizlik masalalari bo‘yicha jiddiy muloqotga tayyor. Bu haqda Germaniya kansleri Olaf Shols Litva prezidenti Gitanas Nauseda hamda Estoniya va Latviya bosh vazirlari Kaya Kallas va Krishyanis Karinsh bilan uchrashuvidan oldin ma’lum qildi.

"Biz Rossiyadan mintaqadagi keskinlikni pasaytirish uchun aniq qadamlarni kutmoqdamiz. Hozirda deeskalatsiya zarur. Shu bilan birga, Yevropa xavfsizligi masalalari bo‘yicha Rossiya bilan jiddiy muloqotga tayyormiz", - dedi u.

Sholsning so‘zlariga ko‘ra, NATO Rossiyaga bu borada aniq takliflarni bergan.

"Rossiya ushbu qiyin vaziyatda YeI va NATO ittifoqchilarining birdamligi va qat’iyligini past baholamasligi kerak", - dedi u.