Namanganda PPX mashinasi ishtirokida YTH sodir bo‘ldi

Tungi navbatchilik paytida xizmat olib borayotgan PPX xodimi boshqaruvidagi avtomobil hamda «Vaz-2107» o‘rtasida to‘qnashuv sodir bo‘ldi.

Namangan viloyati IIB axborot xizmatining qayd etishicha, hodisa 17 fevral kuni soat 02:00larda, Namangan shahri, A.Navoiy ko‘chasida haydovchi, 1998 yilda tug‘ilgan D.M. boshqaruvidagi «Vaz-2107» rusumli hamda haydovchi, 1983 yilda tug‘ilgan R.M. boshqaruvida bo‘lgan Nexia rusumli avtomobillar ishtirokida sodir bo‘lgan.

Hodisa natijasida tan jarohati olgan fuqarolar yo‘q. Transport vositalariga texnik shikast yetgan.

Mazkur YTH yuzasidan Namangan shahar IIB huzuridagi TB tomonidan surishtiruv harakatlari olib borilmoqda.