Qoʻshimcha funksionallar
-
Tungi ko‘rinish
«Azimut» aviakompaniyasi Navoiyga muntazam reyslarni amalga oshirishni boshladi
Rossiyaning «Azimut» aviakompaniyasi ilk bor Navoiyga muntazam reyslarni amalga oshirishni boshladi. Bu haqda Uzbekistan Airports xabar bermoqda.
«Azimut» aviakompaniyasining samolyoti 11 iyun kuni soat 02:00 da bortida 100 nafar yo‘lovchi bilan Navoiy xalqaro aeroportiga qo‘ndi. An’anaga ko‘ra, samolyot suv arkasi bilan tantanali ravishda kutib olindi.
Bu «Azimut» aviakompaniyasining Moskva — Navoiy — Moskva yo‘nalishi bo‘yicha birinchi yo‘lovchi reysi bo‘ldi. Reyslar «Vnukovo» aeroportidan muntazam ravishda SSJ100 samolyotlarida haftasiga bir marta juma kunlari amalga oshiriladi.
«Azimut» Krasnodar va Rostov-Donda joylashgan Rossiya aviakompaniyasidir.
O‘zbekiston va Rossiya o‘rtasida havo qatnovi to‘g‘risidagi hukumatlararo bitim asosida «O‘zaviatsiya» agentligi tomonidan «Azimut» aviakompaniyasiga 2022 yil 28 martda ruxsatnoma berilgandi.
Mavzuga oid
18:34 / 26.05.2025
O‘zbekistonda yana bir yangi aviakompaniya ish boshladi
14:46 / 19.05.2025
Aviachiptalarning sun’iy taqchilligini keltirib chiqargan aviakompaniyalar javobgarlikka tortiladi
09:47 / 17.05.2025
Navoiyda ventilyatsiya tarmog‘i orqali oltin o‘g‘irlamoqchi bo‘lgan shaxslar ushlandi
11:43 / 13.05.2025