Tunda otilgan o‘q. Xatirchida sodir etilgan mudhish qotillik tarixi

Bundan 19 yil oldin Navoiy viloyatining Xatirchi tumanida sodir etilgan jinoyat tildan tilga ko‘chib, odamlar orasida shov-shuvga sabab bo‘lgan. Tergov guruhi tomonidan voqea joyi – o‘z uyida boshidan otilgan murda atrofida qo‘lbola o‘q yasashda ishlatiladigan 3 dona «pij» topilgan, xolos. 600 nafardan ortiq odam guvoh tariqasida so‘roq qilingan mazkur ishni ochish huquqni muhofaza qiluvchi idoralar xodimlariga oson bo‘lmagan.