Qoʻshimcha funksionallar
-
Tungi ko‘rinish
IIBBga “Zo‘r TV” joylashgan hudud minalashtirilgani haqida xabar kelib tushdi
Ikki noma’lum shaxs xususiy telekanal binosiga portlovchi modda o‘rnatayotgani haqida shahar IIBBga murojaat tushgach, tekshiruv o‘tkazilgan va bu o‘z tasdig‘ini topmagan. Rasmiylar shubhali holatga befarq bo‘lmagan fuqarolarga minnatdorchilik bildirdi.
Foto: Yandeks xarita
6 iyul kuni ertalab Toshkentning Yashnobod tumanidagi “Zo‘r TV” telekanali joylashgan hududda 2 nafar noma’lum shaxs portlovchi modda o‘rnatayotgani haqida Toshkent shahar IIBB navbatchilik qismiga xabar kelib tushgan.
Idora matbuot xizmatiga ko‘ra, xabar soat 08:56 da kelib tushgan, shundan keyin zudlik bilan IIBB xodimlari va boshqa mutaxassislar voqea joyiga yetib borgan.
“Hudud o‘rganilganda portlovchi yoki hayot uchun xavfli bo‘lgan boshqa moddalar aniqlanmadi, xabar o‘z tasdig‘ini topmadi, xavotirga asos yo‘q. Hozirda “Zo‘r TV” telekanali o‘z ish faoliyatini doimgidek olib bormoqda. Holat yuzasidan surishtiruv ishlari davom ettirilmoqda”, deyiladi xabarda.
Poytaxt IIBB shubhali holatga befarq bo‘lmagan fuqarolarga minnatdorchilik bildirgan.
Mavzuga oid
22:45 / 10.11.2024
Toshkentda «zakladchik»ni kaltaklagan uch nafar shaxs qo‘lga olindi
10:47 / 08.11.2024
Toshkentda ayrim ko‘chalar yopilishi haqidagi xabarlar rad etildi
16:17 / 07.11.2024
“Toshkent shahri atrofidagi issiqxonalarning 60 foizi ko‘mir, rezina shinalar yoqyapti” – Ekologik partiya
20:44 / 06.11.2024