Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 14:42 / 04.08.2022
    31159
    4 daqiqa o‘qiladi

    Ruslarning Dneprdan yangi kechuvi, ukrainlarning Donbassdagi pozitsiyalari. Urush suratlari

    3 avgust kuni Rossiyada Vladimir Putin bilan uchrashib qaytgan Germaniyaning sobiq kansleri Gerxard Shreder Kreml Ukraina bilan tinchlik muzokaralariga tayyor ekanini aytdi. Istanbulda g‘alla bo‘yicha kelishuvdan keyin Ukraina portidan yo‘lga chiqqan ilk kema inspeksiyadan muvaffaqiyatli o‘tdi. Rossiya qo‘shinlari Mikolayivni o‘qqa tutishda va ukrain kuchlari mudofaani mustahkamlagan Donbassda ilgarilashga urinishda davom etmoqda. RF mudofaa vazirligi Moskva va Kiyev 27 bor harbiy asirlar va qurbonlarning jasadlari almashuvini o‘tkazganini ma’lum qildi. Ramzan Qodirov «LXR qahramoni» bo‘ldi, o‘z navbatida «LXR» rahbariga ham orden berildi. BMT Olenivka o‘qqa tutilishi faktini o‘rganish bo‘yicha missiya tuzdi.

    Quyida 3 avgust kuni Ukrainaning turli hududlarida olingan suratlar.

    Xerson

    Xerson hududidagi Antonov ko‘prigi yaqinida Dnepr daryosidan ponton parom orqali olib o‘tilayotgan avtomobillar. Ko‘prik ukrain harbiylari zarbalaridan shikastlanib, harakatlanish uchun yopib qo‘yilgan, shu tufayli Rossiya armiyasi paromlar harakatini yo‘lga qo‘ygan. Tadqiqotchilar taxmin qilishicha (masalan, Conflict Intelligence Team), ulardan bir vaqtning o‘zida harbiy texnikalar ham tashishda foydalanilmoqda. Suratdagi, oq rangli mikroavtobus Rossiya FXXga tegishli bo‘lishi mumkin. Foto: TASS

    Mikolayiv 

    Mikolayivda rossiyaliklar zarbalaridan vayron bo‘lgan bino. 3 avgustga o‘tar kechasi shahar bir necha bor o‘qqa tutildi. Oblast harbiy ma’muriyati rahbari Vitaliy Kimning so‘zlariga ko‘ra, prichal, sanoat korxonasi, turar joylar, garaj kooperativi, supermarket va dorixona shikastlangan.
    Kostiantyn Liberov / AP / Scanpix / LETA
    Mikolayivdagi vayrongarchiliklar fonida turgan ayol
    Kostiantyn Liberov / AP / Scanpix / LETA

    Xarkiv oblasti 

    Xarkiv yaqinidagi Chuguivdagi rossiyaliklar zarbasiga uchragan ichimlik suvi quyish fabrikasidagi holat. 3 avgust kuni shaharda, mahalliy rasmiylar ma’lumotiga ko‘ra, rossiyaliklar zarbasi oqibatida Rossiya fuqarosi bo‘lgan 58 yoshli kishi halok bo‘lgan.
    Vyacheslav Madiyevskyy / Ukrinform / ZUMA Press Wire / Scanpix / LETA
    56 yoshli Oleksiy Saltovkada o‘zining qo‘lbola do‘koni yonida — bu Xarkivning eng ko‘p jabrlangan tumanidir. Rossiya qo‘shini shaharga urushning ilk kunlaridan hujum qilishni boshlagan. May oyida G‘arbdagi harbiy ekspertlar Ukraina «Xarkiv uchun jang»da g‘olib kelganini aytishgandi.
    Nacho Doce / Reuters / Scanpix / LETA
    Xarkivning Saltovkasida rossiyaliklar zarbasiga uchragan bino xarobalari orasida yotgan maneken 
    Daniel Carde / ZUMA Press Wire / Scanpix / LETA
    Kommunal xizmat xodimlari Xarkivda rossiyaliklarning 3 avgustga o‘tar kechasi bergan zarbalaridan keyin hosil bo‘lgan kraterni o‘rganmoqda.
    Sergey Bobok / AFP / Scanpix / LETA
    Xarkiv atrofidagi pozitsiyada Maksim pulemyot tizimi yonidagi ukrain harbiysi
    Vyacheslav Madiyevskyy / Reuters / Scanpix / LETA

    Sumi oblasti 

    Ukrain harbiylari Sumi oblastida Rossiya chegarasidan ikki kilometr masofada mudofaa istehkomi qurmoqda.
    Genya Savilov / AFP / Scanpix / LETA

    Donbass shimoli

    Ukraina armiyasining Donbassdagi mudofaa chizig‘i, Ukraina qurolli kuchlari Bosh shtabiga ko‘ra, Rossiya armiya Baxmut yo‘nalishida hujum qilishga urinmoqda
    David Goldman / AP / Scanpix / LETA
    Ayol va erkak evakuatsiya poyezdida ketayotgan nabirasini kuzatmoqda. Iyul oyi oxirida Donetsk oblasti ma’muriyati majburiy evakuatsiya haqida e’lon qildi. Regiondan qishda issiqlik ta’minoti yo‘qligi tufayli muzlab qolmasligi uchun 200 ming kishini evakuatsiya qilish rejalashtirilgan.
    David Goldman / AP / Scanpix / LETA

     

    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    21:05 / 10.11.2024

    Frontdagi vaziyat: Rossiya harbiylari Kursk oblastida qarshi hujumga tayyorlanmoqda

    20:11 / 10.11.2024

    Rossiya Kursk oblastiga hujum uchun 50 ming kishilik qo‘shin to‘pladi - NYT

    19:02 / 10.11.2024

    The Guardian: Buyuk Britaniya hukumat almashganidan keyin Ukrainaga raketalar yetkazishni to‘xtatdi

    13:30 / 10.11.2024

    Tramp yutsa urushni bir sutkada to‘xtatishni va’da qilgandi. U yutdi - xo‘sh?