O‘zbekistonga Saudiya Arabistonining qo‘shimcha investitsiyalari jalb qilinadi

Jidda shahrida O‘zbekiston bosh vaziri o‘rinbosari – investitsiyalar va tashqi savdo vaziri Jamshid Xo‘jayevning Saudiya Arabistoni investitsiyalar vaziri Xolid al-Falih bilan uchrashuvi bo‘lib o‘tdi.

Tomonlar savdo-iqtisodiy va madaniy-gumanitar hamkorlik sohasidagi aniq loyihalarni nazarda tutgan holda oliy darajadagi tashrif kun tartibini iqtisodiy jihatdan boyitishni ko‘rib chiqdi. 

Bundan tashqari, O‘zbekistonga qo‘shimcha Saudiya Arabistoni investitsiyalarini jalb qilish masalalari muhokama qilindi. Yangi qo‘shma loyihalarni amalga oshirishda yaqin hamkorlik qilishga tayyorlik bildirildi.

O‘zaro munosabatlarni faollashtirish bo‘yicha mavjud imkoniyatlar tahlili natijalariga ko‘ra, kutilayotgan oliy darajadagi tashrif mamlakatlar o‘rtasidagi hamkorlikni sifat jihatidan yangi darajaga olib chiqishiga ishonch bildirildi.