Qoʻshimcha funksionallar
-
Tungi ko‘rinish
Fly Dubai’ga Dubay - Namangan yo‘nalishidagi qatnovlar uchun ruxsatnoma berildi
Fly Dubai aviakompaniyasiga Dubay - Namangan - Dubay yo‘nalishida muntazam aviaqatnovlarni amalga oshirish uchun ruxsatnoma berildi.
Foto: Fly Dubai
O‘zbekiston hukumati va Birlashgan Arab Amirliklari hukumati o‘rtasida havo qatnovi to‘g‘risidagi bitim asosida 30 avgustda “O‘zaviatsiya” agentligi tomonidan Fly Dubai aviakompaniyasining O‘zbekistonga muntazam aviaqatnovlarni amalga oshirish huquqini beruvchi ekspluatatsion ruxsatnomasiga yangi - Dubay - Namangan - Dubay yo‘nalishi kiritildi.
Bu aviakompaniya tomonidan muntazam parvozlarni amalga oshirish uchun ruxsat olgan O‘zbekistondagi uchinchi aeroport hisoblanadi. Hozirgi kunda aviakompaniya Toshkent va Samarqand aeroportlariga aviaqatnovlarni amalga oshirmoqda.
Fly Dubai aviakompaniyasi O‘zbekistonga muntazam aviaqatnovlarni Boeing 737 havo kemalarida amalga oshiradi.
Bundan oldin FlyNas aviakompaniyasiga Jidda – Toshkent – Jidda yo‘nalishida muntazam aviaqatnovlarni amalga oshirish uchun ruxsatnoma berilgandi.
Mavzuga oid
17:54 / 05.04.2025
Yana Namangan: mashinani ijaraga olgan o‘quvchilar ayanchli YTHga uchradi
17:34 / 05.04.2025
Norin daryosida ikkinchi GES qurilishi boshlandi
21:33 / 04.04.2025
Toshkent va Namangan viloyatlarida qor ko‘chish xavfi e’lon qilindi
17:55 / 01.04.2025