Rossiyada safarbarlik, Xarkiv oblastida vayron bo‘lgan qishloq. Urush suratlari

22 sentabr kuni Vladimir Putin tomonidan e’lon qilingan safarbarlikning ikkinchi kuni o‘tdi — Rossiyada erkaklarga yoppasiga chaqiruv qog‘ozi topshirilishi boshlandi. Kreml rasman faqat harbiy tajribaga ega bo‘lgan zaxiradagilar orasidan 300 ming kishi chaqirilishini aytgan bo‘lsa-da, harbiy komissariatga chaqirilayotganlar orasida hech qachon armiyaga bormaganlar, shuningdek namoyishchilar, jurnalistlar va harbiy xizmatga yaroqsiz bo‘lganlar ham uchramoqda. «Novaya gazeta. Yevropa» ma’lumotiga ko‘ra, prezident farmonining oshkor etilmagan 7-bandiga ko‘ra bir milliongacha odamni safarbar etish ko‘zda tutilgan, bu ma’lumotni Kremldagilar «yolg‘on» deb atadi. Rossiyada safarbarlik ketayotgan chog‘da Ukrainada Rossiya Xarkiv oblastini ishg‘ol etib turgan vaqt oqibatlari ro‘yxatga olinmoqda. 22 sentabr kuni «DXR» markazi Donetsk shahri hududi Ukraina qurolli kuchlari tomonidan o‘qqa tutildi.

Quyida 22 sentabr, Ukrainadagi urushning 211-kunida olingan suratlar.

Rossiyada safarbarlik