Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jahon | 14:49 / 18.10.2022
    20497
    5 daqiqa o‘qiladi

    Kiyevga dronlar hujumi, Krasnodarda samolyot qulashi oqibatlari. Urush suratlari

    17 oktyabr tongida Rossiya qo‘shinlari kamikadze dronlar orqali Kiyevga hujum uyushtirdi. Ukraina hukumati bu hujumlar RF mudofaa vazirligi Erondan sotib olayotgan uchuvchisiz uchish apparatlari orqali amalga oshirilganini aytmoqda. Hujum oqibatida besh kishi halok bo‘lgan, yana 19 kishi xarobalar ostidan chiqarib olingan. Rossiya Vinnitskaya, Sumi, Dnepropetrovsk va Odessa oblastlariga ham zarbalar yo‘lladi. Shu kuni kechqurun Krasnodar o‘lkasining Yeysk shahrida rossiyaliklarning Su-34 rusumli bombardimonchisi quladi. Samolyot turar joy binosiga urilgan va portlab ketgan; 13 kishi halok bo‘ldi, 20 kishi jabrlandi. Moskva meri va Moskva oblasti gubernatori hududlarda «qisman safarbarlik» yakunlangani haqida e’lon qildi, ammo «Agora» huquq tashkiloti ularning so‘zlariga ishonmaslikka chaqirgan.

    Quyida 17 oktyabr, urushning 236-kunida Ukraina va Rossiya hududida olingan asosiy suratlar.

    Kiyev bo‘ylab dronlar zarbasi

    17 oktyabr tongida Kiyev kamikadze dronlar hujumiga uchradi. Shevchenkovo rayonida besh bor portlash kuzatildi. Shaharga jami 28 dron hujum uyushtirgan, ularning aksarini ukrain harbiylari avtomat qurollar va havo hujumidan mudofaa tizimlari orqali urib tushirgan.
    Yasuyoshi Chiba / AFP / Scanpix / LETA
    Kiyev politsiyasi ofitser uchib o‘tayotgan dronni nishonga olmoqda. Dronlar hujumi vaqtida turar joy binosi vayron bo‘ldi va energetika obektlari, jumladan «Ukrenergo» elektr energiyasi uzatish operatori binosi va IES shikastlandi.
    Yasuyoshi Chiba / AFP / Scanpix / LETA
    Kiyevda dronlar hujumi vaqtida ro‘y bergan portlash.
    Yasuyoshi Chiba / AFP / Scanpix / LETA
    Yaralangan kiyevlik ayolga yordam ko‘rsatayotgan tibbiyot xodimlari. Dronlar hujumi oqibatida jami 5 kishi, jumladan homilador ayol halok bo‘ldi
    Efrem Lukatsky / AP / Scanpix / LETA
    Ukrain harbiysi va kiyevlik ayol yer osti avtoturargohida
    Paula Bronstein / Getty Images
    Kiyevda yashovchi kishi portlashdan omon qolgach, yo‘l bo‘yida yig‘lamoqda
    Yasuyoshi Chiba / AFP / Scanpix / LETA
    Dronlar hujumidan keyin Kiyev markazidagi ahol​​​​​i va politsiyachilar
    Sergei Supinsky / AFP / Scanpix / LETA
    Ukrainalik harbiy havo trevogasi ovozini tinglamoqda
    Gleb Garanich / Reuters / Scanpix / LETA
    Hujum vaqtida vayron bo‘lgan  turar joylardan birida ishlayotgan o‘t o‘chiruvchilar
    Roman Hrytsyna / AP / Scanpix / LETA
    Kiyev markazida dronlar hujumi oqibatida halok bo‘lganlardan birining tepasida turgan politsiyachi. Kiyev meri Vitaliy Klichko urib tushirilgan dronlardan birining qoldiqlari suratini namoyish etdi — unda «Geran-2» yozuvini ko‘rish mumkin. RF mudofaa vazirligi Erondan sotib olingan Shahed-136 kamikadze dronlariga shunday nom bergan.
    Roman Hrytsyna / AP / Scanpix / LETA

    RF qurolli kuchlari samolyoti Yeyskka quladi 

    Krasnodar o‘lkasining Yeysk shahrida Su-34 qulashi. Fotoda portlashga qadar samolyotni tark etishga ulgurib, parashyutda qo‘nayotgan uchuvchi ham aks etgan. Foto: «Kooperativ» telegram-kanali / AP / Scanpix / LETA
    Harbiy samolyot to‘qqiz qavatli uy yaqiniga qulagan va uning aviayonilg‘isi yirik yong‘in keltirib chiqargan. Olov 556 kishi yashab kelgan ko‘p qavatli uyga o‘tgan. So‘nggi ma’lumotlarga ko‘ra, 13 kishi halok bo‘lib, 20 kishi jabrlangan. RF FVVga ko‘ra, yaralanganlarning ikki nafari homilador ayollar. Qutqaruvchilar 68 kishini halokat hududidan olib chiqishgan, 360 kishi evakuatsiya qilingan.
    Erik Romanenko / TASS
    Yeyskda turar joylar yoniga tushgan harbiy samolyot qoldiqlari 
    AP / Scanpix / LETA
    Yeyskda bombardimonchi samolyot qulagan joyda ishlayotgan qutqaruvchilar
    AP / Scanpix / LETA

    Zarbalarning Ukraina shaharlaridagi hayotga ta’siri 

    Xarkivliklar qorong‘i supermarketda. 10 oktyabr kungi yoppasiga o‘qqa tutishdan keyin shaharda elektr uzatishda muammolar saqlanib qolmoqda. So‘nggi bor shahar 18 oktyabr tongida o‘qqa tutildi, qurbonlar haqida ma’lumot yo‘q.
    Clodagh Kilcoyne / Reuters / Scanpix / LETA
    Supermarketdagi xarkivlik qutidagi yozuvni o‘qish uchun chiroq tutmoqda. 
    Clodagh Kilcoyne / Reuters / Scanpix / LETA
    Xarkiv oblastidagi Korobochkino qishlog‘ida yashovchi ayol o‘tin maydalamoqda, rossiyaliklarning so‘nggi zarbalaridan keyin ushbu aholi yashash manzili elektr va gazdan uzilgan. Korobochkino Xarkiv shahridan 50 kilometr janubi-sharqda joylashgan.
    Clodagh Kilcoyne / Reuters / Scanpix / LETA
    Korobochkino qishlog‘ida yashovchi keksa yoshli ayol o‘z uyi atrofida
    Clodagh Kilcoyne / Reuters / Scanpix / LETA
    #Ukraina #urush suratlari

    Rossiya-Ukraina urushi

    2022 yil 22 fevral kuni Rossiya Ukraina chegarasidan o‘tib, qo‘shni mamlakatga bostirib kirdi. Ukraina armiyasi jang taklif qildi.

    Mavzuga oid

    20:12 / 22.11.2024

    «Aftidan qo‘rqinchli, ammo hech narsani o‘zgartirolmaydi» - «Oreshnik» qanaqa raketa?

    14:17 / 22.11.2024

    Vengriya Ukraina bilan chegarada HMM tizimlarini o‘rnatish niyatida

    09:12 / 22.11.2024

    Britaniya Ukrainadagi vaziyat keskinlashganini ma’lum qildi

    22:23 / 21.11.2024

    Rossiya «Rubej»ni ishga soldi. Bu raketa yadroviy kallakni ham olib ucha oladi