O‘zbekiston shaxmatchilari jahon chempionatida yarimfinalga chiqdi
Quddus shahrida shaxmat bo‘yicha milliy jamoalar o‘rtasida FIDe jahon chempionati davom etmoqda.
O‘zbekiston shaxmatchilari chorakfinalda Ukraina bilan bellashib, 2 ta raund (3:1 va 2,5:1,5) yakuniga ko‘ra g‘alaba qozonishdi.
Endi shaxmatchilarimiz 24 noyabr kuni yarimfinalda Hindiston – Fransiya o‘yini g‘olibi bilan kurashadi.
Yana bir yarimfinalda Xitoy va Ispaniya shaxmatchilari bahs olib boradi.
Jahon chempionatida O‘zbekiston milliy jamoasi sharafini GM Nodirbek Yoqubboyev, GM Javohir Sindarov, GM Jahongir Vohidov, GM Shamsiddin Vohidov, IM Abdimalik Abdisalimov va IM Ortiq Nigmatov himoya qilmoqda. Shaxmatchilarimizga niderlandiyalik Ivan Sokolov sardorlik va murabbiylik qilyapti.
Avvalroq, O‘zbekiston milliy jamoasi jahon chempionatining guruh bosqichida AQSh (2,5-1.5), Isroil (2,5-1,5) va Hindistonni (3,5-0,5) mag‘lub etib, Polsha (2:2) bilan durangga erishib, Ozarboyjonga (1,5-2,5) yutqazgan edi. Bu natijalar shaxmatchilarimizga guruhda birinchi o‘rin bilan chorakfinalga chiqish uchun yetarli bo‘ldi.
Mavzuga oid
14:07 / 14.09.2024
Rossiya shaxmat federatsiyasini FIDEdan chiqarish qarori bekor qilindi
10:48 / 08.06.2024
O‘zbekistonda ilk bor jahonning ekstroklassdagi 10 nafar yetakchi shaxmatchilari o‘rtasida o‘tkazilayotgan xalqaro shaxmat musobaqasi boshlandi
07:22 / 04.05.2024
Saida Mirziyoyeva Nodirbek Abdusattorovni TePe Sigeman turniridagi g‘alabasi bilan tabrikladi
21:53 / 03.05.2024