Britaniyada o‘rta asrlarga oid eng qimmatbaho marjonlar topildi 

Olimlar qimmatbaho marjonlarni «bir umrga tatigulik topilma» sifatida baholamoqda. 

Taqinchoq Rim tangalari, oltin, yoqut, shisha va yarim qimmatbaho toshlardan yasalgan kamida 30 ta marjon va munchoqlardan iborat. Taqinchoq qirollik oilasiga mansub ayolga tegishli deb hisoblangan qabrda topilgan. Olimlarning fikricha, o‘rta asrlarga oid bunday qimmatbaho marjonlar shu paytgacha Britaniyada topilmagan edi. 

Taqinchoq London arxeologiya muzeyi arxeologlari tomonidan Northempton g‘arbidagi Harpol hududida turar joy majmuasi qurilishidan oldin olib borilgan qazishmalar paytida topilgan. 

Marjonning markaziy elementi qizil xochli to‘rtburchak bo‘lakdir. Taxminlarga ko‘ra, ayol Britaniyadagi nasroniy elitasining birinchi vakillaridan biri bo‘lgan.