Qoʻshimcha funksionallar
-
Tungi ko‘rinish
O‘zbekiston va Misr sut va pishloqni birgalikda ishlab chiqarmoqchi
Food Africa 2022 ko‘rgazmasida ishtirok etgan Xorazm viloyati hokimiyati vakillari va ishbilarmonlaridan iborat delegatsiya Misr sut mahsulotlari ishlab chiqarishga ixtisoslashgan Dina Farms kompaniyasi ijroiya direktori Omonulloh Sa’ad bilan uchrashdi, deb xabar beradi “Dunyo”.
Suhbat chog‘ida O‘zbekiston va Misr tadbirkorlari o‘rtasida hamkorlik aloqalarini o‘rnatish, birgalikda sut va pishloq mahsulotlarini ishlab chiqarish masalalari ko‘rib chiqildi.
Misr tomoni ma’lumotiga ko‘ra, Dina Farms kompaniyasi 1987 yilda tashkil etilgan bo‘lib, sut fermasida 15 ming boshdan ortiq qoramol boqilib, ulardan 8 ming donasi sog‘in sigirlarni tashkil etadi. Korxona 10 ming gektar yer maydoniga ega bo‘lib, unda kartoshka, bug‘doy, makkajo‘xori va qand lavlagisi kabi ekinlar yetishtiriladi.
Tomonlar sut mahsulotlarini O‘zbekistonda ishlab chiqarishda hamkorlik o‘rnatish masalalarini muhokama qildi. Mazkur yo‘nalishdagi istiqbolli loyihalarni o‘rganish maqsadida Dina Farms kompaniyasi vakillari 2023 yil mart oyida Xorazm viloyatiga tashrifini tashkil etish bo‘yicha kelishib olindi.
Mavzuga oid
15:34 / 18.11.2024
Misr O‘zbekistonda qurilayotgan kimyo klasteri loyihasida ishtirok etmoqchi
13:38 / 08.11.2024
Misr Toshkent viloyatida ko‘chmas mulk sohasiga investitsiya kiritmoqchi
10:53 / 07.11.2024
Misr Samarqand viloyati tuman va shaharlarida suv ta’minoti tizimini modernizatsiya qilishi mumkin
12:32 / 06.11.2024