Olimlar uyda tashxis qo‘yadigan qurilma ustida ishlamoqda 

Norvegiya fan va texnologiya universiteti tadqiqotchilari uyda diagnostika qilish uchun ishlatilishi mumkin bo‘lgan mikrorezonatorni ishlab chiqishdi. Olimlar ishining natijalari Nature Communications jurnalida chop etilgan. 

Mikrorezonator - bu uzun to‘lqinli infraqizil spektrning optik sensori. Olimlarning fikricha, u yorug‘lik yordamida kimyoviy moddalarni tahlil qiladigan qurilmalarda qo‘llanilishi mumkin. 

«U oldingi versiyalarga qaraganda yorug‘likni 100 barobar ko‘proq ushlab turishi mumkin. Ushbu yutuq zarrachalarni aniqlash va spektroskopik kimyoviy identifikatsiyalash texnologiyalarini yaxshilashga yordam beradi. Ularning yordamida olimlar gaz yoki suyuqlik namunasida virus, bakteriya yoki boshqa zararli moddalar borligini aniqlashi mumkin», deb tushuntirdi olimlar. 

Mikrorezonator lazer nurlarini yaratish uchun ishlatilishi mumkin, ularning spektri bir qator diskret, bir xil masofadagi chastotali chiziqlardan iborat. Ushbu texnologiya GPS va telekommunikatsiya tarmoqlaridan tortib atom soatlarigacha bo‘lgan turli xil elektron qurilmalarda qo‘llaniladi. 

Kelajakda bunday sensorlar, masalan, qonda virus va bakteriyalar borligini tezda aniqlash imkonini beradi. Natijada, shifokor oldiga tayyor tahlillar bilan borish mumkin bo‘ladi.