Navoiydagi 230 ta maktabda 12 yanvardan dars boshlanadi

Navoiy viloyati hokimligining rasmiy xabariga ko‘ra, viloyat hududidagi 230 ta maktabda o‘quv jarayonlari ertaga, 12 yanvar kunidan boshlanadi. 

“Gidrometeorologiya xizmati markazining Navoiy viloyati bo‘yicha bergan ob-havo ma’lumotlariga tayanilgan holda, joriy yilning 12 yanvar kunidan Navoiy shahridagi 21 ta, Karmana tumanidagi 32 ta, Navbahor tumanidagi 37 ta, Qiziltepa tumanidagi 43 ta, Nurota tumanidagi 11 ta, Konimex tumanidagi 14 ta, Xatirchi tumanidagi 72 ta maktablarda qishki ta’tildan keyingi darslar boshlanadi”, — deyiladi hokimlik xabarida.

Viloyatning olis cho‘l, tog‘ va tog‘oldi hududlarida joylashgan 133 ta maktabda esa o‘qish 16 yanvar kunidan davom ettirilishi belgilangan.