Indoneziyaning Yava orolida “Samarqand kunlari” o‘tkaziladi

O‘zbekiston elchixonasi xodimlari Indoneziya ulamolar kengashi xalqaro hamkorlik qo‘mitasi raisi va Muslim Travel jurnali bosh muharriri Bunyan Saptomo bilan muzokaralar o‘tkazdi, deb xabar bermoqda «Dunyo».

Foto: Dunyo

Uchrashuvda, shuningdek, Indoneziyadagi yetakchi sayyohlik agentligi Alfayyaz Travel rahbari Abdul Jabbar ishtirok etdi.

Muzokaralar davomida Indoneziya ulamolar kengashi ko‘magida Yava orolida O‘zbekiston islom sivilizatsiyasi va ziyorat turizmi imkoniyatlarini targ‘ibot qilish masalalari muhokama qilindi.

Bo‘lib o‘tgan uchrashuv natijasida targ‘ibot ishlarining birinchi bosqichi sifati joriy yilning uchinchi choragida Yava orolida «Samarqand kunlari»ni o‘tkazish bo‘yicha kelishuvga erishildi.