Toshkentda Amir Temur ko‘chasining bir qismi vaqtincha yopiladi

Toshkent shahar aholisi va ijtimoiy soha obektlarining elektr ta’minotini yaxshilash, yoz mavsumida iste’molchilarni elektr energiyasi bilan ta’minlash, tarmoqlar yuklamasini saqlash hamda quvvat uzatishda zaxira yaratish maqsadida yuqori kuchlanishli elektr uzatish tarmoqlari va podstansiyalari yangilanmoqda.

Mirobod tumanining Amir Temur ko‘chasi bo‘ylab yangi 110 kV kuchlanishli elektr uzatish tarmog‘ini tortish ishlari amalga oshiriladi.

Shu munosabat bilan, 15 maydan to qurilish ishlari yakunlangunga qadar Amir Temur shohko‘chasining Nukus ko‘chasi bilan kesishmasidan Amir Temur ko‘chasi bo‘ylab Shahrisabz ko‘chasi kesishmasigacha bo‘lgan oraliqda yo‘lning bir tasmasi vaqtincha yopiladi.